El forno de la via fornas

Van i don al forno
van a coeus el pan
porten la masna de impast
e una fasina de legna sota el brasc.
El pan de mei
el vegneva preparà
con farina de segala
e de furmentun
bon per ogni ocasion.
La Cristina, la fornaia
l’era come ona matrona romana
e i so tett sciopaven fora del so corpett.
Ai so uregg la portava i boccul d’or
che per via d’on tic che la g’aveva
lor sonaven come du campanei.
Ogni regiura che portava a coeus el
pan
la ripagava del so laurà con un cassù
de impast.
Le la sistemava i rod de pan
con una lunga pala
denter el forno bel cald.
Ogni roda de pan la portava un segn divers
per paura de andà miscià.
Questa cottura la vegniva fada
tre volt a la settimana
ma bisognava ves prenotà.
Pan de mei o pan giald che sia
l’era l’or dei paisan.

Marianna Airaghi
Vighignolo di Settimo M.se